Pavarësisht se mund të ketë eksperimentuar me disa rryma muzikore, përfundimisht Anxhela Peristeri është një ndër mjeshtret e baladave. Pas këngës së ndjerë “Shpirti ma di”, ajo publikoi sërish një baladë, po aq e fortë sa e para.

Titullohet “Pa mua” dhe është një prodhim i “ThreeDots Production”, me muzikë nga Kledi Bahiti dhe tekst nga vetë Anxhela.

“Dhe ja kështu
mbaroi këtu,
ike pa fjalë.
Ndoshta më mirë,
tani je i lirë
S’ka më kuptim,
s’doje ti një premtim,” i drejtohet ajo “atij” që i theu zemrën.

Refreni është akoma më i fuqishëm se strofa e parë, ku pasi ka gjetur forcën të ringrihet, ajo është e bindur se do të vijë edhe dita e saj.

“E kur ta ndjesh se nuk jam më unë një hije,
përkedhelte shpinën tënde kur flije,
do trishtohesh,
do mendosh ti se nuk ke më jetë.”

??