Instagram-i i modeles shqiptare, Emina Cunmulaj është frymëzim më vete për shembullin e familjes perfekte.

Emina, poston vazhdimisht foto nga jeta e përditshme me vogëlushet. Kësaj here, ishte radha e bashkëshortit. Pak orë më parë, Cunmulaj publikoi një foto ku shfaqej bashkë me partnerin e saj, Sam duke kërcyer, por çfarë mori gjithë vëmendjen ishte dedikimi special.

“Ti je mbreti im dhe unë të jam mirënjohëse çdo ditë. Nuk po them se s’ka raste që s’më çmend, por kështu ndodh kur një femër Alfa është në krah të një mashkulli Alfa!”- shkrun Emina.

Për ata që s’janë shumë familjar me krahasimin që modelja përdori, “Alfa femër” (Ujku Alfa) i referohet femrës dominante, ato që qëndrojnë në krye të hierarkisë.  "Femër Alfa" zakonisht përdoret për të identifikuar një grua e cila vjedh gjithë vëmendjen, nuk ka frikë të qëndrojë e vetme, është aty për të të mbështetur dhe nuk dorëzohet kurrë.

Dhe Emina, e ka fjalën pikërisht për këtë lloj në dedikimin e të shoqit.

Ajo dhe biznesmeni Sam Nazarian ndonëse kanë thuajse një dekadë bashkë, e kurorëzuan dashurinë e tyre në maj të 2015-ës.