Vëmendje! Një dramë e re në familjen Beckham. Rezulton se vëllezërit Brooklyn Beckham dhe Romeo Beckham aktualisht nuk flasin më dhe refuzojnë të jenë në të njëjtin vend në të njëjtën kohë. Pse, do pyesni? Mesa duket ka të bëjë me të dashurën e Romeo-s, Kim Turnbull.
Brooklyn Beckham dhe Kim Turnbull kanë qenë të lidhur disa vite më parë, por kjo është histori e shkuar pasi Brooklyn është i martuar me Nicola Peltz tashmë.
Megjithatë, Brooklyn dhe Nicola nuk mendojnë se Kim ka "qëllimet e duhura" në lidhjen me Romeo-n dhe gjërat janë aq të tensionuara (dhe kanë qenë që nga dhjetori!) sa çiftet janë larguar.
Brooklyn dhe Nicola madje anashkaluan festën e datëlindjes së David Beckham-it dhe mungonin në fotot familjare të postuara nga Victoria Beckham në Instagram:
View this post on Instagram
Ata gjithashtu nuk morën pjesë në sfilatën e Victoria-s muajin e kaluar dhe humbën një lojë futbolli për shkak se nuk morën ftesë (edhe pse ajo u zhvillua në Los Angeles, ku ata jetojnë). Brooklyn dhe Nicola thjesht nuk do të jenë të pranishëm në asnjë ngjarje publike familjare ku është Kim!
Sa i përket pjesës se si ndihen David dhe Victoria Beckham për gjithë këtë gjë, duket se ata janë plotësisht mbështetës për marrëdhënien e Romeos dhe Kim-it - gjë që duket mjaft e qartë duke pasur parasysh se ata vazhdojnë ta ftojnë atë në ngjarjet familjare që Brooklyn dhe Nicole po humbasin.
Kjo nuk është hera e parë që çifti Brooklyn – Nicola nuk aprovojnë një nga të dashuat e Romeo-s. Mia Regan, ish-e dashura e Romeo-s, me të cilën ndau 5 vite, nuk kishte marëdhënie të mira me kunatën e saj, Nicola.
S’e dimë nëse problemi është Nicola ose përzgjedhjet e Romeo-s, por fakt është që të dashurat sillkan sherr në familjen Beckham!
Artikuj të sugjeruar:
Burimet: TMZ, Cosmopolitan
