Ç’ju dhuroi partneri/partnerja për ditëlindje? Tekashi 6ix9ine i bleu të dashurës një rolex. Dhe kini parasysh që është në burg.

Sipas TMZ, reperi surprizoi të dashurën e tij, Jade, me një orë jashtëzakonisht të shtrenjtë për ditëlindjen e saj të 22-të. Në një mënyrë a në një tjetër, orkestroi gjithçka nga burgu.

Mesa duket, Tekashi zgjodhi një orë 35 mijë dollarëshe disa javë më parë dhe e personalizoi me diamantë 24 karatësh. Si ia dha Jade, do thoni ju? Argjendari, JimmyBoi ia dorëzoi personalisht. Duke marrë parasysh postimet e Jade, i ka pëlqyer shumë.

“Ditëlindja më fantastike,” shkruajti në një postim. “Falemninderit zemër, je më i miri edhe kur s’je pranë meje. Faleminderit JimmyBoi për orën.”

Ne do të vijojmë ta shohim orën në telefon. Bota është e padrejtë.

Nëse arritët deri këtu dhe akoma s'keni gjetur përgjigjen e pyetjes "kush dreqin është Tekashi 6ix9ine?", po ju lëmë disa nga këngët më të njohura të tij të flasin për ne.