Ditë më parë, studentët njoftuan që protesta do të pezullohet deri në përfundim të festave të fundvitit, por duket se s’është kështu.

Të rinjtë, ndonëse jo të shumtë në numër kanë vazhduar lëvizjen e tyre edhe sot para zyrës së kryeministrit Rama.

Sipas Panoramës, në bulevardin “Dëshmorët e Kombit” studentët kanë improvizuar hapjen e një “ekspozite” me të memet më të famshme të lëvizjes studentore.

Të gjithë i kujtojmë pankartat  me shprehje nga më interesantet që tërhoqën jo pak vëmëndje në media dhe rrjete sociale.

Siç duken nga fotot, studentët janë kujdesur t’i rendisin me rregull memet e printuara kudo nëpër rrugë, si për të treguar se protesta nuk ndalon, pavarësisht se jo më larg se dje, kryeministri Rama publikoi vendimin e Këshilli të Ministrave në lidhje me kërkesat e tyre.