Kylie Jenner dhe Travis Scott i kanë mbajtur fansat peng me statusin e tyre të marrëdhënies.  Janë apo jo të martuar është pyetja që konfuzon gjithë botën. Përgjigja?! JO, nuk janë të martuar.

Madje, për kureshtjen tuaj, Kylie as që e ka ndërmend të martohet sepse thjesht s’do.

Sipas US Weekly, Travis do t’i bëjë gjërat zyrtare mes të dyve, por 21-vjeçarja sikur s’e ka me shumë qejf!

“Martesa nuk është shumë e rëndësishme për Kylie-in, por duket se është për partnerin  e saj. Ai do shumë që të martohen, kurse ajo nuk shpreh asnjë lloj interesi, por gjithsesi e kanë diskutuar disa herë këtë çështje.”

Për të qenë të sinqertë, e gjitha bën sens. Kylie është vetëm 21-vjeç dhe është krejt normale të presë përpara se të kurorëzohet edhe pse familja dhe miqtë mendojnë të kundërtën.

Kim përshembull, e këshillon të martohet që struktura e familjes të jetë e plotë. Sipas saj, martesa do ta ndihmonte edhe më të motrën.

Ajo dhe Travis jetojnë bashkë, kanë një fëmijë dhe e quajnë njëri tjetrin “burrë” dhe “grua”. Çfarë ndryshimi përbën nëse ka disa letra që e vërtetojnë këtë?