Aktorja e “Glee”, Naya Rivera, 33 vjeç, raportohet e zhdukur pas një aksidenti gjatë notimin në liqenin Piru, Ventura, Kaliforni.
Të mërkurën, rreth orës 09:30 të mëngjesit, u raportua se po hetohej për një viktimë të mundshme, të mbytur në liqen. Menjëherë u dërguan në zonë një ekip zhytjeje dhe policë.
Autoritetet lokale e identifikuan personin e zhdukur si Naya Rivera në mbrëmje vonë dhe raportohet se vazhdon operacioni i kërkimit. Sipas CBC Los Angeles (via Variety), autoritetet nisën të kërkonin Rivera-n pasi djali i saj 4-vjeçar u gjet i vetëm në një varkë të marrë me qira.
The missing person at Lake Puru has been identified as Naya Rivera, 33, of Los Angeles. SAR operation will continue at first light. @VCAirUnit @fillmoresheriff @Cal_OES pic.twitter.com/bC3qaZS3Ra
— Ventura Co. Sheriff (@VENTURASHERIFF) July 9, 2020
Djali u gjet i padëmtuar dhe raportohet se i tha policisë se ishte duke notuar me të ëmën, por ajo nuk u kthye kurrë në varkë.
Naya Rivera njihet për rolin e Santana Lopez në serialin e Fox, “Glee”. Pas rolit të saj në serialin muzikor (2009-2015), ajo u shfaq në “Devious Maids” dhe “Step Up: High Water.”
Nuk është hera e parë që "Glee" përfshihet në tragjedi të tilla. Për më shumë lexoni artikullin: Dhunë, skandale seksuale, vetëvrasje dhe tragjedi: ‘Mallkimi’ i serialit "Glee"
Burimi: Variety
