2020 ka ndërmend të na surprizojë deri në fund! Tani, besojeni ose jo, Loredana ka bërë paqe me zonjën zvicerane që e akuzoi për vjedhje një vit më parë! 

Petra Z dhe bashkëshorti i saj e akuzuan këngëtaren se i kishte zhvatur rreth 1 milion franga dhe e ndoqën këmba këmbës çdo lëvizje të saj, deri më tani. Gjërat duket se kanë ndryshuar dhe ashtu si papritur reperja postoi foton që njerëzit më pak prisnin.

Ajo dhe Petra Z duke u përshëndetur gjithë përzemërsi gjatë një video call-i. Në përshkrimin e fotos, Loredana shkruan vetë një datë: "01.09.2020 " dhe gjëja e parë që të shkon në mendje është nisja e një kapitulli të ri mes tyre.

Madje, sipas Bild, Petra Z dhe Loredana janë parë bashkë në një hotel në Luzern të Zvicrës. Nisur nga çfarë thonë dëshmitarët, ish-armiket qeshën dhe folën gjatë me njëra tjetrën. Fundi i takimit, u mbyll me një përqafim të ngrohtë, që shpjegon edhe më mirë fundin e kësaj historie.

Çfarë ka ndodhur vërtetë nuk e dimë, por është dukshëm e qartë që zonja zvicerane s'ka më asnjë ankesë kundrejt reperes.