“Sunday Service” është një kor fetar, nën kujdesin e Kanye West dhe ka performuar në gjithë Shtetet e Bashkuara.

A është një kishë?

Jo. Të paktën, jo akoma.

Në thelb, ata janë një grup njerëzish që mblidhen për këngë e lutje, pra shenjat dalluese të një kishe, por nuk ka një regjistrim sipas Kodit të Shteteve të Bashkuara, për ta bërë atë “një kishë zyrtare”.

(Ish)gruaja e West, Kim Kardashian, e përshkroi atë si “shërbim muzikor dhe shërbim të krishterë, që flet për Jezusin dhe Zotin”.

Për momentin, West nuk do t’i japë asnjë emër tjetër veç “Shërbimi i së Dieleës”, për të ciliën ai ka aplikuar për ta patur si markë tregtare.

Ky aplikim iu refuzua, pasi ishte i padisponueshëm.

Kanye ka aplikuar gjithashtu për të ndërtuar një "strukturë meditimi" në fermën e tij në Wyoming.

Aplikimi u refuzua pas një ndryshimi në minutën e fundit në planet e ndërtimit, që përfshinte një hapësirë banimi.

Kur filloi “Shërbimi i së Dielës”?

Në fillim të janarit, në 2019-ën.

West filloi të mbante seanca një-orëshe çdo të dielë në vende të ndryshme, në shtëpinë e tij ose në një studio provash. Më pas vazhdoi me fusha, amfiteatre, stadiume dhe njëherë, edhe në një burg.

"Ishte ideja që duhej të hapnim zemrat tona dhe të bënim muzikë që mendonim se ishte sa më e pastër dhe sa më pozitive dhe e bëjmë këtë për një orë, çdo të dielë. Është një vend ku njerëzit mund të bashkohen dhe të ndihen mirë me familjet e tyre."

Justin Bieber ka performuar në një nga të dielat:

Ai nuk është i vetmi njeri i famshëm që merr pjesë në “Shërbimin” e Kanye-s. Të tjerë në listë janë: Brad Pitt, Lil Nas X, Katy Perry, Phillips Busy, Courtney Love, Idris Elba, Bradley Cooper etj.

Në “Sunday Service”, mund të bëhesh pjesë, vetëm nëse ke një ftesë.

Burimi: ABC Net