Hilary Duff dhe partneri i saj Matthew Koma mirëpritën fëmijën e tyre të dytë së bashku më 24 mars, një vajzë me emrin Mae James Bair.

Ish-ylli i Disney-t publikoi një foto të saj dhe vajzës Banks Violet Bair, teksa qëndrojnë brenda një vaske me ujë me të porsalindurën, ndërkohë që bashkëshorti dhe djali 8-vjeçar, Luca, qëndrojnë aty pranë.

“Mae James Bair – të duam bukuri. 24 mars 2021,” shkruan Hilary.

Një javë më parë, Hilary tregoi se ndihej fajtore gjatë shtatzënive sepse nuk kishte arritur t'i zbulonte ose parandjente gjinitë e fëmijëve të saj. "Duhet ta dija, është brenda trupin tim. Është fëmija im,” tha ajo.

"E di që flokët e mi blu i bënë njerëzit të mendonin se ne e dinim gjininë, por jo. Në fakt jam pak e frikësuar të kem një tjetër vajzë sepse Banks ishte fëmijë i vështirë, edhe pse tani është një mrekulli. Gjithsesi s'e di, në mendjen time shpesh e imagjinoj si princeshën e vetme që do të ketë 2 vëllezër të ashpër." – u shpreh gjatë një podcasti.

Gjithsesi, fati deshi që ajo dhe Matthew të bëhen prindër të një tjetër vajze. Përveç vajzave, Hilary është nënë e Luca-s nga martesa me Mike Comrie.