Me siguri ju kujtohet intervista e famshme e Oprah me Meghan Markle dhe princ Harry-n? E gjithë bota reagoi pas atyre deklaratave, por nuk patëm një koment nga vetë moderatorja. Vetëm tani, për herë të parë, ajo ndau mendimet e saj rreth intervistës së bujshme me çiftin mbretëror.

"Nuk e kisha idenë që do të bënte kaq shumë jehonë sa vazhdon të bëjë."- u shpreh Oprah gjatë një interviste me Nancy O'Dell, duke shtuar se para asaj interviste i është dashur të bëjë shumë përgatitje para.

Sipas Oprah pjesa më surprizuese e intervistës ishte kur Meghan zbuloi qasjet raciste të institucionit mbretëror, sidomos kur sipas saj aludonin për ngjyrën që do të kishte Archie, bebushi i Meghan dhe Harry-it.

Sigurisht, çfarë çifti tha në atë intervistë nuk doli nga hiçi. 

"Unë i kisha shkruar më parë atyre dhe i kërkova të më thonë çfarë qëllimi kishin. Kishim bërë një takim bazë si fillim. Doja të dija qëllimin e tyre sepse vetëm kështu mund ta arrinim bashkë objektivin. Qëllimi ynë i përbashkët ishte e vërteta. Ata donin të ishin në gjëndje të tregonin versionin e tyre të historisë në një formë që do t'i lejonte të ishin të vërtet dhe të besueshëm."- përfundoi ajo.

Misioni mund të jetë kryer me sukses, por rrëfimet e Meghan-it u komentuan, kritikuan dhe mbështetën jo pak.