Edhe pasi dha dorëheqjen si CEO i Amazon, Jeff Bezos mbetet në krye të listës së miliarderëve të Forbes. Me një vlerë neto të vlerësuar prej 203 miliardë dollarësh sipas Bloomberg Billionaire Index, pasuria e Bezos ka patur ngritje marramendëse që kur ai themeloi për herë të parë kompaninë në 1994.

Në moshën 57-vjeçare, Bezos po i dorëzon rolin e tij Andy Jassy-t, që aktualisht është CEO i shërbimeve të web-it në Amazon. Ndërsa Bezos po ndërmerr veprimet e fundit si CEO, ai ka ende mjaftueshëm burime të ardhurash sa për të qëndruar përsëri në vend të parë, si më i pasuri. 

Që nga 2019-a, pasuritë e miliarderit janë rritur me gati 73%. Kjo rritje monetare vjen pavarësisht se ai i dorëzoi një të katërtën e aksioneve të kompanisë së tij, ish-gruas, Mackenzie Scott, gjatë divorcit të tyre.

Pjesa më e madhe e pasurisë së tij vjen nga Amazon, ndërsa pjesa tjetër vjen nga bizneset e tij të tjera si Blue Origins dhe media Washington Washington. Sipas Business Insider, pasuria e tij është 739,489 herë më shumë se ajo e një amerikani mesatar.

Amazon lulëzoi edhe gjatë pandemisë, kohë gjatë së cilës tregtia elektronike lulëzoi. Vetëm atë vit, pasuria e tij neto u rrit me 75 milionë dollarë. Gjatë kësaj periudhe, ai ka marrë edhe shumë kritika, pasi u tha se punëtorët e tij nuk punojnë në kushtet e duhura.

Tërheqja e Bezos nga roli drejtues shënon një ndryshim të madh në treg, ndërsa Andy Jassy merr përsipër të jetë në vend të tij.

Burimi: News 18