Gjithçka ndodh gjatë javës me banorët e famshëm të shtëpisë së Big Brother Vip do të komentohet në "Big Brother Fan Club" të dielave! 

Pak orë më parë, në faqen zyrtare të Instagramit të Top Channel u publikua inserti i BB Fan Club që ashtu siç përflitej do të moderohet nga Dojna Mema.

"Të vërtetën e fshehin fjalët, por jo sytë!"- dëgjohet të thotë Dojna, e cila njofton se Fan Club do të transmetohet çdo të dielë në orën 12:30.

Nëse nuk kanë ndryshuar shumë gjëra nga formatet e shkuara, "BB Fan Club" do të ketë të ftuar të cilët do të komentojnë, analizojnë dhe kritikojnë sjelljet e banorëve brenda dhe jashtë shtëpisë, pas të eleminuarëve të parë të cilët si zakonisht ftohen në studio pas largimit.