BioNTech tha se mund të modifikojë vaksinën e Covid në 100 ditë nëse është e nevojshme
BioNTech tha se mund të prodhojë dhe shpërndajë një version të përditësuar të vaksinës brenda 100 ditëve nëse varianti i ri Covid i zbuluar në Afrikën e Jugut zbulohet se shmang imunitetin ekzistues.
Kompania gjermane e bioteknologjisë tashmë po heton nëse vaksina e zhvilluar me prodhuesin amerikan të ilaçeve Pfizer funksionon mirë kundër variantit, të emërtuar Omicron, i cili ka shkaktuar shqetësim për shkak të numrit të lartë të mutacioneve dhe sugjerimeve fillestare se mund të transmetohet më shpejt.
Kompania u shpreh se do ta dijë brenda dy javësh nëse vaksina aktuale ka të ngjarë të jetë efektive kundër variantit B.1.1.529, i njohur tani si Omicron nga Organizata Botërore e Shëndetësisë, bazuar në eksperimentet në laborator. Nëse kërkohet, BioNTech tha se është e gatshme të modifikojë vaksinën për ta përshtatur me variantin e ri.
Gazetari australian Matt Doran kërkoi falje të gjatë në transmetim pasi "ofendoi" Adele
Gazetari australian Matt Doran i ka kërkuar një falje të gjatë Adele për faktin që nuk dëgjoi albumin e saj të ri përpara një interviste ekskluzive me këngëtaren, duke e cilësuar atë një "gabim të tmerrshëm".
Doran bëri bujë ndërkombëtare këtë javë për intervistën me këngëtaren, e cila u anulua pasi ai pranoi se kishte dëgjuar vetëm një këngë nga albumi i fundit. Sony refuzoi të publikojë pamjet. Drejtpërsëdrejti në programin Weekend Sunrise të Channel Seven të shtunën, Doran e mbylli emisionin duke u ankuar se kishte “fyer” Adele dhe i kërkoi falje këngëtares, fansave të saj dhe shikuesve.
Raportohet rasti i parë i Omicron në Europë
Rasti i parë i raportuar në Europë i variantit të ri Covi është zbuluar në Belgjikë. Kryevirologu i vendit, Mark Van Ranst, tha se varianti u zbulua te "një udhëtar që po kthehej nga Egjipti".
Disa vende europiane, duke përfshirë Francën, Gjermaninë dhe Italinë, kanë vendosur tashmë kufizime të reja udhëtimi me Afrikën e Jugut dhe vendet fqinje që përfshijnë një periudhë karantine 14-ditore për udhëtarët pavarësisht nëse janë të vaksinuar apo jo.
Vajza afgane e kopertinës së famshme është evakuuar në Itali
"Vajza afgane" me sy të gjelbër e National Geographic ka mbërritur në Itali si pjesë e evakuimit të afganëve nga Perëndimi pas pushtimit të vendit nga talebanët, tha qeveria italiane të enjten.
Zyra e kryeministrit Mario Draghi tha se Italia organizoi evakuimin e Sharbat Gulla-s pasi ajo kërkoi të ndihmohej të largohej nga vendi. Qeveria italiane tani do ta ndihmojë që ajo të integrohet në jetën në Itali.
Gulla fitoi famë ndërkombëtare në vitin 1984 si një vajzë refugjate afgane, pasi fotografia e Steve McCurry u publikua në kopertinën e National Geographic.
Lexoni edhe: Mona Lisa e botës së tretë: Historia e fotos së famshme
AstraZeneca po shqyrton ndikimin e variantit të ri të Covid në vaksinë
AstraZeneca tha të premten se po shqyrtonte ndikimin e variantit Omicron që po përhapet me shpejtësi në Afrikën e Jugut. AstraZeneca ka shpërndarë 2 miliardë doza të vaksinës së saj në mbarë botën, megjithëse shpërndarja u ndërpre në Afrikën e Jugut në shkurt, pasi u tregua se ofronte mbrojtje minimale kundër sëmundjeve të lehta deri në mesatare të shkaktuara nga varianti Beta, i cili ishte dominues në vend.
Firma farmaceutike anglo-suedeze theksoi se vaksina ka treguar të jetë efektive kundër të gjitha varianteve shqetësuese të SARS-CoV-2. Kompania ka zhvilluar gjithashtu një “koktej antitrupash” i cili mund të përdoret si për të parandaluar ashtu edhe për të trajtuar Covid-19.
Arkeologët zbulojnë në Peru një mumje që vlerësohet të jetë të paktën 800-vjeçare
Një grup ekspertësh ka gjetur një mumje që vlerësohet të jetë të paktën 800-vjeçare në bregun qendror të Perusë, tha një nga arkeologët që morën pjesë në gërmime.
"Karakteristika kryesore e mumjes është se i gjithë trupi ishte i lidhur me litarë dhe me duar që mbulonin fytyrën, gjë që do të ishte pjesë e modelit lokal të funeralit," tha Van Dalen Luna, nga universiteti shtetëror i San Marcos.
Peruja – shtëpia e destinacionit turistik Machu Piçhu – është shtëpia e qindra vendeve arkeologjike nga kulturat që u zhvilluan para dhe pas perandorisë Inka, e cila dominoi pjesën jugore të Amerikës së Jugut 500 vjet më parë.
Sulmohet me armë autobusi me nxënës në Kosovë, 3 persona humbin jetën
Tre persona kanë mbetur të vrarë në Deçan të Kosovës nga të shtënat me armë në drejtim të një autobusi me nxënës. Korrespondenti i Euroneës Albania, Kosovë Gjoci raporton se mes të vrarëve janë dy nxënës dhe shoferi i autobusit, ndërsa një i katërt ka mbetur i plagosur. Deri tani sipas Prokurorisë së Pejës nuk dihet motivi i këtij sulmi.
Burimet: Guardian, CNN, Euronews
