Kim Jong-un thuhet se i ka ndaluar qytetarët të qeshin për një periudhë 11-ditore.

Njerëzit në Korenë e Veriut, nëse buzëqeshin ose qeshin me zë të lartë mund të përballen me pasoja. Sot, më 17 dhjetor, bëhen 10 vjet nga vdekja e Kim Jong Il dhe për të shënuar këtë rast, djali i tij, Kim Jong-un, ka vendosur që anëtarëve të publikut t'u ndalohet të qeshin, të pinë alkool ose të shijojnë aktivitete çlodhëse për plot 11 ditë, sipas një qytetari të vendit.

Qytetari po ashtu tha për Radio Free Asia se më 17 dhjetor është ndaluar edhe blerja e ushqimeve, transmeton Fox News. Periudha e zisë do të zgjasë 11 ditë në vend të 10 ditëve të zakonshme, sepse është 10 vjetori i vdekjes së Kim Jong Il.

Njerëzit nuk mund të festojnë as ditëlindjet e tyre nëse janë brenda periudhës së zisë.