Si do të jetë viti për shenjat e zodiakut? Për një ide të përgjithshme, kemi përmbledhur disa parashikime të disa prej astrologëve më të njohur. Ja çfarë kanë rezervuar yjet për vitin 2022.

Sipas astrologes Susan Miller:

“Ju pret një vit i lumtur përpara. Për herë të parë në 12 vjet, Jupiteri fatsjellës do të jetë te Peshqit, një shenjë uji që përzihet në mënyrë të përkryer me tuajën. Momenti më i mirë për karrierën do të vijë në Hënën e re te Dashi më 31 mars, në shtëpinë e dhjetë të përparimit dhe prestigjit në karrierë. Afërdita do të hyjë në shenjën tuaj më 17 korrik për të qëndruar deri më 11 gusht. Kjo është koha për t'u shoqëruar, për të blerë rroba të reja dhe për t'u përqendruar te pamja. Pasi të keni disa gjëra të reja, dilni jashtë – vështirë se do t’ju rezistojnë.”

Sipas astrologut Prem Kumar Sharma:

“Viti 2022 do të sjellë arsye të shumta për të buzëqeshur, Gaforre! Në planin e karrierës ju presin mundësi të reja. Paratë e investuara në të kaluarën ka të ngjarë të vijnë me fitime të shumëfishuara. Ata që dëshirojnë të blejnë një automjet luksoz ose një pronë më të madhe ka të ngjarë ta konsiderojnë këtë vit shumë me fat. Dashuria dhe harmonia do ta mbushin me lumturi marrëdhënien tuaj në tremujorin e parë. Arritjet e fëmijëve mund t'ju ndihmojnë të ngrini statusin shoqëror. Nëse kërkoni punë, mund ta shihni tremujorin e dytë mjaft të dobishëm, pasi mund të punësoheni me siguri. Mjekësia alternative për përfitime shëndetësore mund të jetë një ndryshim i lojës për disa prej jush. Yoga dhe Pranayama ka të ngjarë t'ju mbushin me energji dhe forcë. Udhëtimi i gjatë, darkat familjare dhe aktivitete të tjera do të jenë argëtimi juaj.”

Sipas astrologut Jake Register:

“Bëhuni gati të dilni nga guaska për të marrë shumë informacione rreth gjërave që as nuk i dinit se nuk i dinit - dhe rregulloni qëllimet profesionale, personale dhe të marrëdhënieve për t’u përshtatur me çfarë keni mësuar. Jini fleksibël! Nuk do të jetë e lehtë, por yjet po ju thonë se tani është koha për t'u rritur.”

Sipas astrologes @six:

“Shiko, Gaforre, ti e di që ndonjëherë mund të jesh paksa i varur nga njerëzit e tjerë. Kjo është sfida juaj këtë vit. Në vend që të romantizoni marrëdhëniet, përpiquni t'i shihni ato ashtu siç janë në të vërtetë. Pastaj përqendrohuni t'i bëni sa më të forta që të jetë e mundur. Ky është një vit kur mund të ndërtoni lidhje afatgjata dhe të qëndrueshme. Dhe me të vërtetë, çfarë ka më romantike se kaq?”

Sipas astrologes Adama Sesay:

“Viti fillon me një sërë veprimesh që nisin nevojën për të redaktuar, ndryshuar ose ristrukturuar një kontratë të rëndësishme pune. Gjatë pjesës së dytë të vitit, Jupiteri kalon te Dashi në shtëpinë tuaj të 10-të të karrierës dhe prestigjit. Ky cikël kozmik ndodh një herë në 12 vjet dhe është si një shpërthim i fatit të mirë profesional. Mos u habitni nëse keni mundësinë të merrni më shumë një rol udhëheqës këtë vit.”

Copyright Anabel.al / Ndalohet ribotimi pa lejen e redaksisë.