Shumë shpejt, Xhemi Shehun do ta shohim sërish krah Salsano Rrapit në Top Channel. Bashkë me të Top-it do t'i bashkohet sërish edhe regjisori Altin Basha. Për çfarë bëhet fjalë?

Salsano Rrapi, i ftuar mbrëmjen e sotme në "Goca dhe Gra" në Top Channel tregoi se ai dhe Xhemi kanë thuajse gati projektin e ri.

"Po, unë dhe Xhemi do të jemi sërish krah njëri-tjetrit në një program që nuk është prodhim i Top Channel, por bashkëpunim me Top Channel. Eshtë produksion i huaj ku unë jam përveçse moderator edhe autor e ndërsa regjisor është Altin Basha. Pra nuk bëhet fjalë për Portokallinë, por do të jemi në Top Channel."- u shpreh aktori i humorit. 

Kujtojmë se Xhemi Shehu konfirmoi zyrtarisht largimin nga Top Channel dhe "Portokalli" në korrik të 2020-ës. Pak kohë pas ikjes, gjatë një interviste moderatorja tha se "nuk e kthen më asgjë në televizion, përveç ndonjë çudie shumë të madhe”.

Nga ana tjetër, edhe regjisori historik i Portokallisë, Altin Basha dha dorëheqjen në shtator të 2020-ës pas plot 17 vitesh, si pasojë e "mosmarrveshjeve me drejtuesit e Top Channel." Përsa i përket rikthimit të dyshes dhe projektit të ri dihet ende shumë pak, por nisur nga deklarata e Xhemit me siguri duhet të jetë mjaftueshëm interesante.