Ndonëse qytetarët presin që në komunikimin e radhës të njoftohet për heqjen e masave kufizuese, duket se për ekspertët ky s'është ende momenti. Pavarësisht rënies së ndjeshme të rasteve, ekspertët e Komitetit Teknik thonë se s'është ende situata e përshtatshme për të liruar masat në fuqi.

Sipas Skënder Brataj, shefit të Urgjencës, është përqindja e vaksinimit të popullatës ajo që nuk lejon heqjen e kufizimeve. Aktualisht janë vaksinuar vetëm 55 % të popullatës.

Për Brataj shifrat pritet të pësojnë një tjetër ulje, por ai i druhet mutacioneve që mund të lindin dhe duke qenë se jemi ende vend me nivel të ulët vaksinimi, ekspozimi ndaj mutacioneve të reja mbetet risk.

Nisur nga shembulli i shumë vendeve të tjera europiane, edhe bizneset apo qytetarët në vend kërkojnë heqjen e kufizimeve, por ky vendim duket se nuk do të jetë ende i afërt nëse niveli i vaksinimit nuk shfaq progres.

Burimi: Top Channel