Negociatat me Rusinë janë “më realiste” thotë Zelensky
Presidenti i Ukrainës Volodymyr Zelensky dha një pamje më optimiste për pozicionet e Ukrainës dhe Rusisë në bisedimet e ardhshme të paqes duke thënë se negociatat po duken "më realiste", ndërsa ndihmësi i tij kryesor tregoi se kishte ende "kontradikta themelore" në përgjigjen e Rusisë.
“Takimet vazhdojnë. Më thonë se qëndrimet në negociata duken më realiste. Megjithatë, nevojitet akoma më shumë kohë që vendimet të jenë në interes të Ukrainës,” tha ai.
Alexei Navalny: Kritiku i Kremlinit përballet me 13 vjet burg të sigurisë maksimale në Rusi
Prokurorët rusë kanë kërkuar që lideri i opozitës Alexei Navalny të burgoset për 13 vjet në një burg të sigurisë maksimale. Navalny, një kritik kryesor i presidentit rus Vladimir Putin, është akuzuar për mashtrim dhe shpërfillje të gjykatës.
Prokuroria ruse e ka akuzuar për përvetësim të parave që ai dhe fondacioni i tij kundër korrupsionit kanë mbledhur gjatë viteve. Navalny gjithashtu dyshohet se ka fyer një gjyqtar rus gjatë një seance të mëparshme. Ai i ka hedhur poshtë akuzat si të motivuara politikisht.
Danimarka propozon ndalimin e shitjes së cigareve për personat e lindur pas vitit 2010
Danimarka njoftoi planet për të ndaluar shitjen e cigareve dhe produkteve të nikotinës për çdo shtetas të lindur pas vitit 2010. Masa synon të parandalojë gjeneratën e ardhshme që të prekin çdo formë duhani, tha në një konferencë për shtyp Ministri i Shëndetësisë Magnus Heunicke.
OKB thotë se 75,000 fëmijë bëhen refugjatë çdo ditë në Ukrainë
Kombet e Bashkuara kanë thënë se që nga fillimi i luftës në Ukrainë më 24 shkurt, çdo ditë 70,000 fëmijë në Ukrainë bëhen refugjatë. "Kjo është e barabartë me 55 fëmijë që ikin nga vendi çdo minutë, sipas UNICEF - gati një në çdo sekondë," tha një zëdhënës i OKB-së.
Që nga 24 shkurti, dhjetëra fëmijë janë vrarë, shumë të tjerë janë plagosur dhe më shumë se 1.5 milion janë larguar nga vendi.
Rriten rastet e Covid në Kinë
Kina ka pasur një rritje të madhe të infeksioneve të përditshme me Covid-19, ku rastet e reja janë sa dyfishi i një viti më parë.
Që kur koronavirusi u shfaq për herë të parë në Wuhan në fund të vitit 2019, Kina ka menaxhuar me sukses shpërthimet e infeksionit në shkallë të gjerë përmes strategjisë së rreptë "zero-Covid", e cila përfshinte izolime që kufizuan pjesë të mëdha të popullsisë.
