Kris Jenner dha një dëshmi në gjykatë ku pretendon se ish e dashura e Rob Kardashian, Blac Chyna, kërcënoi një herë se do të vriste Kylie Jenner.
Kris dëshmoi se ishte "alarmuar" vite më parë kur Kylie dhe i dashuri i atëhershëm Tyga i treguan për kërcënimin e pretenduar. Kris shtoi se Tyga i tha në shumë raste se Chyna dyshohet se u përpoq ta lëndonte fizikisht atë me thikë.
"Sigurisht që ishte alarmante, por ne thjesht e mbajtëm brenda familjes," dëshmoi Kris, duke i thënë gjykatësve se ata nuk e raportuan incidentin e supozuar në polici.
Chyna dhe Tyga ishin të lidhur nga vitit 2011 deri në vitin 2014. Kylie dhe Tyga ishin të lidhur nga viti 2014 deri në vitin 2017. Blac Chyna dhe Rob Kardashian, vëllai i Kylie Jenner, ishin bashkë në vitin 2016.
Modelja ka një djalë 9 vjeç me Tyga-n, King, dhe një vajzë 5 vjeçe me Rob Kardashian, Dream. Gjatë dëshmisë së saj të mërkurën, Chyna pretendoi se ishte ende e lidhur me Tyga-n kur Kylie filloi të dilte me të në vitin 2014.
Kris u pyet më vonë nga avokatja e Chyna, Lynne Ciani, nëse ajo ishte e shqetësuar për lidhjen e Rob-it me të njëjtën grua që dyshohet se kërcënoi Kylie. “Nuk reagova shumë,” tha Kris. "Kishte thjesht shumë dramë ... dhe unë jam mësuar me këtë në familjen time."
Chyna ka paditur Kris, Kim, Khloé dhe Kylie për 40 milionë dollarë për humbje të të ardhurave dhe më shumë se 60 milionë dollarë për fitime të ardhshme. Ajo pretendon se familja e famshme përdori fuqinë që ka për të njollosur reputacionin e saj dhe për të parandaluar mundësitë financiare pasi dyshohet se ata anuluan sezonin e dytë të "Rob & Chyna" - akuza të cilat Kardashian-Jenner i kanë kundërshtuar.
