Eni Koçi zbuloi në Instagram se ende vuan efektet afatgjata post-Covid. Këngëtarja u pyet në lidhje me shijen dhe nuhatjen dhe u shpreh se ende nuk i është rikthyer në gjendjen e mëparshme, pothuajse 2 vjet pas infektimit.

“Vazhdoj po njësoj. Domethenë shije dhe nuhatje kam, por gjërave nuk ua ndjej erën apo shijen reale që kanë patur para Covidit. Parosmia quhet si problem. Kam filluar të mësoj të jetoj me këtë gjë, pasi nuk mendoj që ka zgjidhje.”

Në janar 2021, Eni tha se pavarësisht se kishin kaluar 5 muaj nga infektimi (pra, duhet të jetë infektuar në gusht 2020), ajo nuk kishte ende shije dhe nuhatje. Parosmia është një term që përdoret për të përshkruar gjendjet shëndetësore që dëmtojnë shqisën e nuhatjes. Nëse keni parosmi, mund të përjetoni humbje të intensitetit të aromës, që do të thotë se nuk mund të dalloni gamën e plotë të aromave. Ndonjëherë, parosmia bën që gjërat që hasni çdo ditë të duken sikur kanë një erë të fortë dhe të pakëndshme.

Shumica e rasteve të parosmisë bëhen të dukshme pasi shëroheni nga një infeksion. Ashpërsia e simptomave ndryshon nga rasti në rast. Parosmia zakonisht ndodh pasi neuronet që zbulojnë aromën - të quajtura edhe shqisat e nuhatjes - janë dëmtuar për shkak të një virusi ose gjendjeje tjetër shëndetësore. Dëmtimi i këtyre neuroneve ndryshon mënyrën se si erërat arrijnë në tru.

Hulumtimet kanë treguar se parosmia është një ndërlikim i mundshëm afatgjatë i Covid. Kjo gjendje mund të trajtohet në disa, por jo të gjitha rastet. Nëse parosmia shkaktohet nga faktorë të mjedisit, mjekimi, trajtimi i kancerit ose pirja e duhanit, ndjenja e nuhatjes mund të kthehet në normalitet pasi të hiqen këta shkaktarë.

Parosmia zakonisht nuk është një gjendje e përhershme; neuronet mund të jenë në gjendje të riparojnë veten me kalimin e kohës. Në disa raste, sidomos te të moshuarit, nuhatja nuk kthehet më.