Nëse do të bëni një xhiro tek Instagrami i Flori Mumajesit, me siguri do të ngecni aty. Jo vetëm kaq, por do harroni se është thuajse fundi i 2022-shit dhe të do të fluturoni në kohë. Do të ktheheni në gjimnaz, tek dashuria e parë, tek lagjja e vjetër, tek ish-kafeneja e preferuar, tek festivalet e dikurshme, tek ndarjet e para apo thyerjet e zemrës që dukeshin kaq të parikuperiushme. Të gjitha vetëm falë këngëve të dikurshme!
Flori, poston rrallë në rrjete sociale, por kur e bën ka një qëllim të fortë, si ky i sotmi (për të na kujtuar një repertor që e njohim kaq mirë të gjithë). Këngëtari ka postuar një "listë" këngësh të vjetra të tijat dhe gjithë artistëve me të cilët ka bashkëpunuar.
"Pak Flor, kohë pa i dëgjuar. Ndjeva mall për pak nga ky Flori im i dikurshëm."- shkruan Flori.
Para se të vazhdojmë me listën, le ta ndalojmë pak këtu.
Qartazi, ironia e kantautorit i drejtohet dikujt, ose atyre që e kanë "akuzuar se i fiton çmimet me mik", por le ta lëmë me kaq.
1.West Side Family - E gjithë bota jemi dy
2. Vedat Ademi- Vetëm
3. Ardit Gjebrea- Ti botën time nuk e njeh
4. Julka- Kurrë mos thuaj jo
5. Aurela Gace: Hape Veten
6. Kaltrina Selimi- Ditëlindja
7. The Dreams- Përjetësisht miku yt
8. The Dreams- Gënjeshtarja
9. The Dreams- Serenata
Meqë si Flori ashtu dhe ne bëhemi nostalgjikë herë pas here për muzikën e atyre viteve, hidhini një sy listave të tjera.
