Dylan Mulvaney, influencer në TikTok, ka ndarë rezultatet e operacionit të saj të feminizimit të fytyrës.

Aktorja e filloi tranzicionin vitin e kaluar, duke ndarë çdo gjë me ndjekësit.

Në dhjetor, 26-vjeçarja, iu nënshtrua operimit për procedurën e feminizimit të fytyrës dhe gjashtë javë më vonë, ajo ka krijuar një video vërtet epike për të treguar rezulatet.

Që kur u postua dje (27 janar), videoja është parë mbi katër milionë herë, me mbi një milion pëlqime.

Dylan Mulvaney është një aktore amerikane dhe aktiviste për të drejtat e transgjinorëve, e njohur për detajet e tranzicionit të saj gjinor në videot e përditshme në platformën e TikTok. Që nga viti 2023, ajo ka mbi 10 milionë ndjekës në TikTok dhe seria e videove, e titulluar Days of Girlhood, ka marrë mbi një miliard shikime.