Dhurata Dora surprizoi fansat!

Përmes një postimi në rrjete sociale, këngëtarja njoftoi se së shpejti do të publikojë një album.

“Më në fund, jam shumë e lumtur dhe krenare që t’ju njoftoj se albumi im ‘Dhurata’ më në fund ka një datë publikimi, më 03.03.2023. Nisi numërimi mbrapsht për ‘Dhurata’,” shkroi ajo.

“Kjo është një dhuratë për veten dhe për të gjithë mbështetësit e mi, të cilët më kanë shtyrë të punoj gjithnjë e më shumë gjatë gjithë këtyre viteve. Jam mirënjohëse për të gjithë njerëzit që më rrethojnë dhe shpresoj që do ta shijoni po aq sa unë.”

“Dhurata” do të publikohet në Spotify, Apple Music dhe YouTube.