Getty Images

Bad Bunny publikoi këngën e re “Coco Chanel” dhe njerëzit vunë re se ndoshta këngëtari latin i ka hedhur ca kunja ish-it të Kendall, Devin Booker. Si ndodhi?
 
Zërat nisën nga ky varg: “But the Puerto Rico’s sun is hotter than the one in Phoenix” (“Dielli i Puerto Rico-s është më i nxehtë se ai i Phoenix”) dhe nuk është e vështirë ta kuptosh referencën: Bad Bunny është nga Puerto Rico dhe ylli i NBA nga Phoenix.

Në një tjetër varg, ai këndon: “Akrepët janë të rrezikshëm” (Pooo, e dimëëë!). Shenja e horoskopit të Kendall? Akrep!

Pra, kemi një kunjë të vockël karshi Booker, i cili ka dalë me Kendall për rreth 2 vite, derisa u ndanë në tetor të 2022-shit. Por, edhe basketbollisti nuk e la me kaq, por e komentoi kunjën përmes një komenti në Instagram, në të cilin shkroi: “Sërish, ai (Bad Bunny) po shqetësohet për një burrë tjetër”.

@rap/ Instagram

Menjëherë, njerëzit e kuptuan se çfarë po ndodhte dhe sigurisht, nisën me postimet:

"Devin Booker është kaq i famshëm sa jeton falas në mendjen e Bad Bunny", shkroi dikush.

"Devin Booker duke parë që Kendall po del ma Bad Bunny-n, por edhe diss-in e tij", tha një tjetër person.

Për sa i përket Kendall, burimet thanë për “ET” se modelja 27-vjeçare po e përballon shumë mirë ndarjen nga Booker dhe se për momentin po “përqendrohet te vetja, puna, familja, miqtë dhe po kalon kohën me yllin latin, Bad Bunny”. 

Ndonëse ata po i marrin gjërat ngadalë, nuk kanë munguar takimet dhe puthjet mes të dyve, duke ndezur kështu qindra postime dhe reagime në internet.

Artikuj të sugjeruar: