Chris Martin zbuloi se ai ha vetëm një vakt në ditë dhe e anashkalon plotësisht darkën – deklaratë që vjen direkt pasi ish-gruaja e tij, Gwyneth Paltrow, u kritikua për dietën e saj në dukje të rrallë.
I ulur me Conan O'Brien për podcast-in e këtij të fundit, “Conan Needs a Friend”, Martin zbuloi se dieta e tij me një vakt në ditë ishte frymëzuar nga kompozitori Bruce Springsteen.
Ai thotë se pasi zbuloi se Bruce hante vetëm një herë në ditë, mendoi: “Kjo është sfida ime e radhës”.
Më pas, dyshja filloi të bënte shaka se si vakti i vetëm do ishte një sanduiç “dy metra i gjatë”.
Natyrisht, këngëtari i "Yellow" u përball me reagime pasi dieta e tij u bë virale.
“Uau, momente argëtuese kur ai dhe Gwyneth ishin bashkë”, komentoi dikush.
Një tjetër tha:
“I shkreti, e ka lënë Gwyneth me pasoja!”
Paltrow u kritikua kohët e fundit në internet për dietën e saj "të rrezikshme" dhe rutinën e shëndetit.
Gjatë një bisede me Dr. Will Cole në podcastin "Arti of Being Well", aktorja tregoi se ajo pi kafe në mëngjes dhe "shumë lëng kockash për drekë"
"Unë ha darkë herët në mbrëmje. Bëj një agjërim të këndshëm me ndërprerje," tha ajo, duke vënë në dukje se "ha shumë perime".
Shumë kundërshtuan intervistën dhe pohuan se dieta e Paltrow promovon "çrregullimet e të ushqyerit”.
Por të hash një vakt në ditë, a është e shëndetshme?
Për shumicën e njerëzve, ngrënia e një vakti në ditë nuk ka rreziqe serioze, përveç shqetësimeve të ndjenjës së urisë. Megjithatë ka disa rreziqe për njerëzit me sëmundje kardiovaskulare ose diabet. Ngrënia e një vakti në ditë mund të rrisë presionin e gjakut dhe kolesterolin.
Në përgjithësi, sidoqoftë, të hash vetëm një herë në ditë nuk është dhe aq e shëndetshme për shumë arsye, përfshirë probleme me tretjen, cilësinë dhe sasinë e ushqimit, etj.
Artikuj të rekomanduar:
Burimi: Pop Crush
