Catherine Hélie

Milan Kundera, autori i “Lehtësia e padurueshme e qenies”, është ndarë nga jeta në moshën 94-vjeçare. Ai ka lindur në vitin 1929 në Republikën Çeke  dhe në vitin 1975 u zhvendos në Francë. Kundera shquhet si një shkrimtar që ka “dy atdhe”, së pari për Çekinë dhe së dyti, vendin që e priti, Francën.

Kundera ndërroi jetë në shtëpinë e tij në Paris, pas një sëmundjeje nga e cila vuante. Ai i ka dhënë letërsisë vepra mjeshtërore, ku ndër të tjera përmendim: “Identiteti”, “Shakaja”, “Valsi i lamtumirës”, “Mosdija”, “Ngadalësia”, “Pavdekësia”. 

Kundera ka sjellë disa këndvështrime mjaft interesante njerëzore dhe reflektimet e tij janë ato që e kanë bërë një ndër autorët më të vlerësuar të gjeneratës, duke u nominuar disa herë për çmimin Nobel.