Aktorja fituese e çmimit Oscar Michelle Yeoh është martuar me partnerin e saj prej shumë kohësh Jean Todt në një ceremoni në Zvicër – gati dy dekada pasi biznesmeni francez i propozoi.

Yeoh, 60 vjeç, e cila në fillim të këtij viti u bë gruaja e parë me prejardhje aziatike që fitoi çmimin Oscar si “Aktorja më e mirë”, konfirmoi martesën e saj me Todt, 77 vjeç, një ish-drejtor ekzekutiv i Ferrarit, në Instagram gjatë fundjavës.

“19 vjet dhe PO!! ne jemi te martuar!! Faleminderit për familjet tona që na kanë dashur gjithë këto vite,” shkroi aktorja malajziane.

Ata u takuan në Shangai në qershor 2004 dhe një muaj më vonë, Jean Todt i propozoi për martesë. Pas 6,992 ditësh, më 27 korrik 2023, u martuan në Gjenevë.

Yeoh hyri në një nivel të ri të statusit si aktore këtë vit për performancën e saj të mirënjohur në "Everything Everywhere All at Once". Performanca të tjera të njohura të saj janë ato në filma si “Shang-Chi and the Legend of the Ten Rings” (2021), “Crazy Rich Asians” (2018), “The Mummy: Tomb of the Dragon Emperor” (2008), “Memoirs Of A Geisha” (2005) dhe “Crouching Tiger, Hidden Dragon” (2000).