Ilda Bejleri e ka mbajtur gjithnjë larg vëmendjes jetën e saj private, por në ditëlindjen e vajzës së saj Siena, ajo u paraqit për herë të parë në publik me partnerin e saj, sipërmarrësin Ardit Kraja.
 
Ata festuan ditëlindjen e parë të Sienës në një ambient me miq dhe të afërm.

Në rrjetet sociale qarkulluan disa video dhe foto, në të cilat çifti feston 1-vjetorin e vajzës. 

Ilda zgjodhi një fustan elegant të bardhë, ndërsa partneri i saj, një veshje më casual.

Moderatorja u bë nënë në gushtin e vitit të kaluar. Në qershor, Ilda konfirmoi tërthorazi shtatzënë përmes një fotoje ku dukej disi barku i rrumbullakosur. Asokohe, ajo u shfaq në Instagram duke konsumuar një pije për të cilën theksoi në mbishkrim se nuk është alkool.

Më pas, e ftuar te "Goca dhe Gra", ajo foli për shtatzëninë dhe u shpreh se ajo dhe partneri flinin në dhoma të ndryshme.
 
“Unë ia thashë partnerit direkt sapo e zbulova se jam shtatzënë, ka qenë një periudhë shumë e bukur, e kemi zbuluar shumë bukur. Emrin ia kam vënë unë, po shihja një film dhe më pëlqeu se si tingëlloi Siena. Pjesa më e vështirë janë ditët e para dhe muaji i fundit. Sa ia merr dorën është vështirë, pastaj është më thjeshtë. Natën qëndroj vetë, ajo është pjesa më e vështirë. Marrëdhënia nuk ka ndryshuar, vajza fle në dhomë vetëm dhe unë fle me të. Më mirë një pa gjumë se sa të dy". - tha ajo.

Ilda tregoi edhe momentin kur mori vesh se ishte shtatzënë dhe reagimin e të atit:

"Bëra shtatë-tetë teste për t’u siguruar që isha shtatzënë. Zoti na bekoi me një vajzë. Jam shumë e lumtur, se në fillim më thoshin të gjithë që do të bësh çun, nuk e di pse kisha këtë idenë sikur do isha mama çunash. Kur mësova se ishte vajzë, ngela pak si pikëpyetje".

Më tej vijoi:

"Ka qenë një periudhë shumë e bukur, e kemi përjetuar shumë bukur. Vajzat vërtet janë një bekim. Kur i kam thënë babit tim iu mbushën sytë me lot dhe më tha unë nuk e imagjinoj veten jetën pa ty. Vajzat  gjithmonë përveçse do jenë shoqe shumë të mira, janë speciale mendoj unë, për të gjithë familjen”.