Harrojeni dramën e Selena-s dhe Hailey-t, sepse ajo që po ndodh mes Dafina Zeqirit dhe Sara Hoxhës është edhe më interesante.
 
Le të bëjmë një përmbledhje jo dhe aq të vockël:

Për ju që sapo keni parë botën, ngjyrat dhe dritën e diellit dhe s’e dini se ç’ka ndodhur, Dafina ka hequr nga Instagram-i ish-të dashurin, Ledri Vulën dhe partneren e tij aktuale, Sara Hoxhën, pasi komentoi në një postim të Dafinës.
 
Dafina publikoi një pjesë nga bashkëpunimi i saj me Elgit Dodën, “Si mua”, dhe pyeti ndjekësit: “Cila është pjesa e preferuar e këngës ‘Si mua’?” dhe Ledri shkroi: “T’i kom dhon krejt”.

Më pas, shpirtrat tanë kuriozë panë se Dafina kishte hequr Sarën dhe Ledrin nga Instagram-i, ndërsa ky i fundit vijonte ta kishte follow. Sot, kur kontrolluam sërish, edhe Ledri e kishte hequr Dafinën nga rrjeti social.

Më pas, Dafina bëri një reagim në Threads e më vonë në Instastory, ku u shpreh: Njerëzit dhe disa të ashtuquajtura “gazeta” do ta përdorin gjithnjë informacionin kundër meje, që ju të besoni gjërat idiote dhe fëmijërore që shkruajnë (në favor të personit tjetër) për klikime dhe para! Vendosa që të bëj unfollow dhe të mbyll “marrëdhëniet” me njerëzit që, unë si Dafina, kam ndaluar së “i respektuari”, tha këngëtarja, duke pretenduar se Ledri dhe Sara kanë bërë të kundërtën për vëmendje.

Pas reagimit të saj, Sara postoi një foto në Instastory, ku shkroi se nuk mund t’i japësh fund një marrëdhënieje, kur nuk ka një të tillë.

Më pas, publikoi edhe një foto në të cilën shprehej: “Kur ha ëmbëlsira, jeta bëhet më e ëmbël. Njerëzit duhet të hanë më shumë ëmbëlsira”.

Fill pas kësaj, Dafina publikoi një video ku nxjerr gishtin e mesit dhe shkruan: “Më e ëmbël se sheqeri”.

Kjo ishte përplasja e djeshme, ama, diçka brenda nesh na thotë se telenovela dhe drama do të vijojë. Presim serinë e radhës…