Marina Vjollca dhe Getoar Selimi janë përpjekur gjithmonë ta mbajnë të bijën, Marget, jashtë vëmendjes mediatike, duke u treguar të kujdesshëm në publikimin e fotove të saj në rrjete sociale. Por duket se Marina bëri një përjashtim me rastin ditëlindjes së dytë të vogëlushes.
Në sekuencat e një videoje të publikuar në Instagram, shfaqet portreti i Marget në profil.
“Unë falë teje kam gjetur kuptimin e jetës! Ti je bekimi i jetës sime. Gëzuar ditëlindjen Marget, beba ime.” – shkruan moderatorja.
Getoari, nga ana tjetër, i dedikoi një këngë të bijës, të titulluar me emrin e saj, “Marget”. Një pjesë nga teksti: "Ti je gjysma jem, edhe gjysma e mamës/ Marget, jeta jem/ Marget, jeta e babës/ Ti je rreze dielli/ Dashni, drit' e hanës/ Marget, jeta jem/ Marget, jeta e babës."
Marina dhe Geotari u bënë prindër për herë të parë në nëntor të vitit 2021. Emri Marget është bashkim i emrave Marina dhe Getoar.