Ledioni, në një intervistë për Ronaldo Sharkën në “E Diell”, ndau disa detaje për moderimin e edicionit të tretë të “Big Brother Vip Albania”, duke treguar emocionet e para dhe surprizave që do të sjellë ky format.

“Emocionet janë të mëdha, natyrisht. Kur shkel një skenë të madhe, pavarësisht sa kohë ka kaluar, edhe sikur të jesh duke e bërë çdo ditë, sërish emocionet janë të mëdha. Në rastin tim, unë kthehem në një skenë të madhe pas gati 6 vitesh, pavarësisht se kam bërë produksione të ndryshme televizive, në të cilat edhe kam nxjerrë veten nga pak, por në një natyrë krejt tjetër. Ky është një spektakël i madh, të cilin e shohin të gjithë me kërshëri dhe dëshirë të madhe, edhe për ta komentuar. Emocionet janë shumë të mëdha, por edhe shumë pozitive”, duke shtuar se stafi është gjithashtu shumë i mirë.

“Uroj që këtë anije ta drejtoj në brigjet e duhura”, u shpreh Ledioni.
 
Sa i përket surprizave të “BBVA 3”, ai tha: “Nuk mund të tregoj shumë për formulën, por ajo që mund të parashikoj me kastin, do të jetë një “BBVA” i një natyre tjetër nga ai që jemi mësuar të shohim qoftë në edicionin e parë dhe në atë të dytin. Uroj të tregohet një ‘Big Brother’ që shqiptarët nuk e kanë parë”.

Artikuj të sugjeruar: