Ian Somerhalder shprehet se nuk ka asnjë pendesë për largimin nga shkëlqimi i Hollywood për të jetuar në një fermë me familjen e tij.

Ylli i “Vampire Diaries” ka treguar se bashkë me gruan, Nikki Reed, gjithashtu aktore, thjesht mblodhën plaçkat dhe u zhvendosën në një fermë jashtë Los Angeles bashkë me fëmijët.

“Unë e doja shumë atë që bëja, për shumë kohë”, tha Somerhalder për E! News. “Por nuk më mungon asgjë nga ajo kohë. Më pëlqen të bëj filma, por e bëra shumë kohë dhe për aq sa zgjati ishte bukur”.

Bashkëshortja e tij gjithashtu foli për këtë temë gjatë premierës së dokumetarit të tyre, ku pranoi se natyra i ofron qetësi. “Është bukur kur sheh çfarë po ndodh me fëmijët, kur merr pjesë në rritjen e ushqimit që përgatit për ta, dhe kur e sheh vërtet nga vjen ajo që hamë”, tha më tej aktorja e “Twilight”.

Çifti kanë realizuar së fundmi një dokumentar ku flitet për mjedisin dhe të dy janë producentë ekzekutivë në realizimin e tij.

Dy aktorët nisën lidhjen në vitin 2014 dhe u martuan një vit më vonë. Ata kanë një vajzë 6 vjeç dhe një djalë, ardhjen në jetë të së cilit e njoftuan në korrik të 2023-shit.

As Reed e as Somerhalder nuk kanë ndërmend t’i kthehen aktrimit. Pavarësisht se e mbajnë jetën e tyre larg kamerave, herë pas here publikojnë foto nga ferma me kafshët që po rrisin dhe të tjera shkrepje familjare me fëmijët.