Për një kohë të gjatë ti ke punuar me zell, por gjithashtu, mund edhe të jesh acaruar dhe frustruar, pasi mendon se nuk ke parë rezultatet e punës tënde. Prit edhe pak, pasi do të shfaqen, me shumë gjasa, gjatë këtij muaji. Si në jetën tënde në punë, ashtu edhe në atë private, ti ke bërë gjithçka duhet, por gjërat duket se nuk kanë shkuar në vendin e duhur, gjithsesi, qëndro me shpresë, pasi je shumë afër.
Më 25 maj, Jupiteri do të hyjë në shenjën tënde për herë të parë pas 12 vitesh dhe do të qëndrojë për një vit të tërë, deri më 9 qershor 2025. Gjatë kësaj kohe, Jupiteri do të të mbushë me shpërblime dhe mundësi të reja. Ndërsa hyjmë në maj, duhet të dish se Jupiteri po të përgatit për një vit fantastik.
Saturni, aktualisht, është në sektorin tënd profesional (në shtëpinë e 10) dhe do të kujdeset për të përmirësuar edhe më shumë aftësitë e tua në karrierë, pasi do shumë që ti të përparosh. Pa dyshim, Saturni ka një mënyrë të çuditshme për të të treguar se kujdeset për ty, por ai e di shumë mirë se ç’bën. Mund të jetë një mësues i ashpër e kërkues, por na beso, në fund do të dalësh më i/e kalitur se kurrë.
Ti ke dy planet të rëndësishëm në shenjën tënde: Jupiterin dhe Saturnin, ndaj nëse ndihesh nën presion, nuk po ëndërron dhe as po e tepron. Do të arrish t’i përballosh sfidat që të sjell përpara Saturni, me ca lëndime, por shpërblimi do të jetë goxha i mirë. Nëse i zbaton me përpikmëri “kërkesat dhe detyrat” e Saturnit, do ta gjesh veten në një vend më të mirë në karrierë. Me shumë gjasa, do të shohësh edhe një rritje të vogël page kur Jupiteri të shkojë te Gaforrja.
Marsi, nga 22 marsi deri më 30 prill ka qarkulluar në drejtime të ndryshme dhe ka të ngjarë që të kesh bërë përparime të rëndësishme në karrierën tënde. Je promovuar, ke marrë vëmendjen e njerëzve të rëndësishëm dhe nëse ke dashur të lësh një përshtypje të mirë te një person i caktuar, ia ke dalë më së miri.
Planetet do të mblidhen te Demi, në shtëpinë tënde të 12. Duket se njerëzit përreth i kanë vënë re përpjekjet e tua të shumta dhe janë habitur nga aftësitë e tua. Prapaskenat bëjnë punën më të rëndësishëm, ndaj mund ta gjesh veten në një projekt të ardhshëm, të suksesshëm.
18 maji është data më me fat e vitit, kur Dielli do të bashkëveprojë me Jupiterin, për të të dhënë mundësinë të dëgjosh atë çka po thuhet në prapaskenë. Ji i/e sigurt, pasi shpejt do ta marrësh vesh dhe do të marrësh shpërblimet që meriton. Mund të kesh një partner të ri në jetën tënde personale ose profesionale pranë Hënës së plotë që do të ndodhë më 23 maj te Shigjetari. Mund të nisësh një bashkëpunim të frytshëm me një partner që ndan të njëjtat vizione me ty, ose mund ta çosh marrëdhënien tënde në një nivel të ri.
Ky do të jetë një muaj rrëzëllitës për ty!
Me një turmë planetesh në shenjën tënde të miqësisë, një pjesë e rëndësishme e grafikut tuaj, e cila mbulon shpresat dhe dëshirat e tua më të thella, do ta kthejë këtë muaj në një periudhë ku mund të shohësh teksa realizohet një ëndërr shumë e dashur për ty. Miqtë do të jenë çelësi i pjesës më të madhe të lumturisë tënde, pasi mund të bëjnë gjeste të papritura dashurie dhe mirësie, si dhe të të mbështesin shumë.
Afër datës 20 prill, mund të kesh përjetuar një ngjarje të rëndësishme, e cila ka sjellë një shenjë paralajmëruese për atë që do të ndodhë më vonë. Deri në maj, kjo është një dhuratë e veçantë nga universi dhe do të arrijë të lulëzojë, me shumë mundësi, gjatë këtij muaji. Edhe në këtë rast, do të kesh mbështetjen e miqve.
Dita më me fat e vitit – 18 maji – të sugjeron që të shtosh në axhendën tënde një ngjarje të bukur në aspektin e shoqërisë. Kjo ditë duhet shfrytëzuar dhe ngjarja në fjalë mund të jetë një shans i mirë prë të marrë përkëdhelje, luks dhe një bukuri që të lë pa frymë. Argëtimi do të jetë pjesë e pandarë e kësaj dite, ndaj mos i kurse takimet.
Në karrierë, do të kesh Marsin në kulmin e grafikut tënd. Kjo do të thotë se je mëse gati të ofrosh ide inovative të një niveli të lartë, të cilat do të sjellin shumë fitime. Marsi do të bashkëveprojë me Plutonin në shtëpinë tënde financiare të komisioneve, shpërblimeve, kapitalit, kredive, fitimit të çmimeve, apo trashëgimive, çka do të thotë se do të mund të gjenerosh më shumë para. Nga ana tjetër, Saturni është në sektorin e 9 të shenjës tënde, duke sunduar njerëzit dhe vendet e huaja, kështu që mund të fitosh më shumë përvojë dhe të zgjerosh këndvështrimet e tua. Të gjitha përvojat e jetës tënde do të mund të përthithen nga të tjerët natyrshëm dhe lehtësisht, ndërsa ti do të ecësh i/e sigurt drejt suksesit.
Nëse je student/e, profesorët do të të ndihmojnë të kesh sukses. Në rast se punon në komunikim apo transmetim, shanset janë të mira që të përparosh në mënyrë të qëndrueshme dhe të arrish të fitosh. Ky muaj do t’i heshtë kundërshtarët, kritikët dhe ata që kanë dyshuar në aftësitë e tua.
Edhe një çështje gjyqësore mund të përfundojë këtë muaj dhe të jetë e suksesshme për ty. Saturni do të mbajë ritmin e ngadaltë të Neputnit dhe mund të mjegullojë disa fakte që do të duhen të sqarohen dhe diskutohen sërish përpara takimit final. Megjithatë, Plutoni është plotësisht në anën tënde dhe Plutoni mund ta kthejë peshoren e drejtësisë në anën tënde.
Hëna e plotë e 23 majit do të realizojë një projekt të madh dhe planete shumë miqësorë do të jenë në pika të ndryshme të grafikut tënd. Duartrokitjet, meritat, paratë dhe gjithçka që do mund të realizohet këtë muaj. Nëse synon tregun ndërkombëtar, do ta arrish.
Në aspektin romantik, Hëna e plotë e 23 majit do të sjellë një lidhje të Afërditës dhe Jupiterit te shenja e Demit, për një ndikim të butë dhe intim. Kështu, do të afrohesh edhe më shumë me personin me të cilin je në një lidhje, ose do të të ndihmojë të gjesh dikë të ri në jetën tënde. Çështjet e lidhura me shtëpinë dhe familjen, të cilat mund të kenë shkaktuar tension, mund të shuhen dhe të avullojnë, duke të të falur qetësinë që të ka munguar.
Shijoje këtë muaj, është i lavdishëm!
Copyright Anabel.al / Ndalohet ribotimi pa lejen e redaksisë.
