Ronela Hajati është një nga ato artiste, e cila sjell këngë in dhe që të fiksohen, sërish nuk mund të mos përballet me komentet negative të njerëzve në rrjetet sociale.

“K***, lopë, porno, janë standarde për të gjitha. Unë jam më speciale se kam ca kile më tepër dhe atë punën e librave si batuta, kështu që dhe komentet kanë diapazon më të gjerë”, u shpreh Ronela.

Më tej, ajo vijoi:

“Kush ulet dhe komenton, harxhon kohë që mund ta harxhojë për të punuar e për t’i çuar bukë në shtëpi familjes. Rrinë gjithë ditën parazitojnë në telefon e flasin akoma për peshë, moral (që s’kanë pikën e haberit ç’bëjmë me jetët tona), veshje…jeni për të ardhur keq”.

“Nëse nuk të pëlqen muzika ime, mos e dëgjo!!! Dhe kushto që më takon, ju lutem mos më thoni më: “Ronela, qenke më e dobët live” se është fjalia më e shpëlarë që më zënë veshët. Kam pasqyrë! Të paktën, unë kam punuar gjithë jetën dhe e kam çdo cent nga 20 vite që këndoj, pa i rënë në qafë askujt, kurrë! Të gjithë atyre që i kanë mbushur koncertet dhe zemrën time plot me dashuri e njerëz, ju kam shumë xhan! Ju të tjerëve: Inshallah po keni punë!”.

Dhe më tej tha se është yll, shumë e bukur dhe të drejtë ka.

Por, mes këtyre shpërthimeve (të kuptueshme), Ronela na dha një lajm të mirë:

“Dua të nxjerr këngën e Këngës Magjike në fillim, baladë e bukur shumë, tekst i mirë…jam e bindur që dhe unë do të shndërrohem në një njeri të mirë brenda minutave…”, duke na treguar kështu se e paska një këngë gati.

Ajo bëri edhe një krahasim me këngën e Anitta-s, duke thënë: “Kjo në fakt ka një tekst shumë domethënës (me ironi), apo këta s’quhen se janë të huaj. Meqë ra fjala, jam e fiksuar me këtë”, rrëfeu ajo.

Tani, Ronela jua tha se çfarë nuk pëlqen dhe se ç'të bëni që të mos shpenzoni kohë duke ofenduar. Ju e dini vetë.

Artikuj të sugjeruar: