Është vërtet e pabesueshme se si, në mes të zjarreve më shkatërruese në historinë e Los Angeles, disa persona e gjejnë si mundësinë e përsosur për një postim të ri në mediat sociale.
Me flakët që shkatërrojnë lagjet e të famshëmve si “Hollywood Hills” dhe supermakinat luksoze të kthyera në hi, disa e panë të arsyeshme të hyjnë në zonat e evakuimit për të bërë ‘selfie’ para shtëpive të djegura.
Sherifi i Qarkut të Los Angeles, Robert Luna shprehu shqetësimin e tij për këto sjellje, duke theksuar se prioritet është mbrojtja e banorëve dhe parandalimi i vjedhjeve.
"Është gjithmonë e trishtueshme kur duhet ta them këtë, por një pjesë e përgjegjësisë sonë është të sigurohemi që askush të mos vjedhë nga banorët tanë ose anëtarët e komunitetit tonë që tashmë janë prekur nga kjo fatkeqësi."
Ndërsa autoritetet përpiqen të menaxhojnë një fatkeqësi natyrore të këtyre përmasavet, disa zgjedhin të shpërfillin urdhrat e evakuimit për të shkrepur foto pranë automjeteve luksoze dhe banesave të personazheve të famshëm që po shkrumbohen.
Flakët janë konsideruar si më të rëndat që kanë përfshirë ndonjëherë zonën, ndërsa si pasojë kanë ndërruar jetë pesë persona dhe shumë të tjerë janë detyruar të evakuohen për të shpëtuar jetët e tyre.
Në mesin e shumë banesave të shkrumbuara plotësisht, janë djegur edhe shtëpitë e personazheve të famshëm.
Artikuj të sugjeruar:
