Arrestohet presidenti i Koresë së Jugut

Autoritetet e Koresë së Jugut kanë arrestuar presidentin Yoon Suk Yeol, i cili përballet me akuzat për kryengritje dhe shpërdorim pushteti, pas një përpjekjeje për të vendosur ligjin ushtarak muajin e kaluar.

Ai pati një përplasjeje disa orëshe me stafin e tij të sigurisë dhe mbështetësit, të cilët panë hetuesit duke përdorur shkallët dhe kabllot për të hyrë në rezidencën e Yoon.

Për t’iu shmangur arrestimit presidenti Yoon ka qenë i fshehur në rezidencën e tij të fortifikuar për javë të tëra.

Zjarret në Los Angeles: Të paktën 25 viktima

Erërat e fuqishme, të parashikuara për orët në vijim, po e shtyjnë betejën e zjarrfikësve që po luftojnë me zjarrin në Los Angeles, i cili ka shkaktuar të paktën 25 viktima.

Më shumë se 6 milionë njerëz janë nën kërcënimin kritik të zjarrit të mërkurën, përfshirë disa qarqe në Jug të Kalifornisë, duke përfshirë qytete jashtë Qarkut të Los Angeles, si Anaheim, Riverside, San Bernardino dhe Oxnard.

Zjarret në Eaton dhe Palisades tani janë më masivet dhe të dytat më shkatërruese, përkatësisht, në historinë e Kalifornisë Jugore, sipas Cal Fire.

Zjarret e javës së kaluar ishin më të mëdha dhe më të nxehta se sa do të ishin në një botë pa ndotjen nga lëndët djegëse fosile që ngrohin planetin, sugjeron një analizë e UCLA.

Biden do të heqë Kubën nga lista e vendeve që mbështesin terrorizmin

Presidenti Joe Biden njoftoi Kongresin për qëllimin e tij për të hequr statusin e Kubës si vend që mbështet terrorizmin, njoftoi Shtëpia e Bardhë. Vendimi është pjesë e një marrëveshjeje të ndërmjetësuar nga Kisha Katolike për lirimin e të burgosurve politikë në Kubë.

Zyrtarë të lartë të administratës amerikane, të cilët folën në kushte anonimiteti, thanë se "dhjetëra" të burgosur politikë dhe të tjerë që konsiderohen nga Shtetet e Bashkuara të ndaluar në mënyrë të padrejtë do të lirohen deri në mesditën e 20 janarit, raporton VOA.

Shtetet e Bashkuara do të lehtësojnë gjithashtu disa sanksione ekonomike ndaj Kubës, si dhe do të anulojnë një memorandum të vitit 2017 të lëshuar nga presidenti i atëhershëm Donald Trump që ashpërsonte qëndrimin e Shteteve të Bashkuara ndaj Kubës.

Disa orë pas njoftimit të Presidentit Biden, Presidenti i Kubës Miguel Diaz-Canel tha se qeveria e tij do të lirojë gradualisht 553 të burgosur pas bisedimeve me kishën katolike.

Blinken prezanton planin për qeverisjen e Gazës pasi përfundimit të luftës