Henry Cavill dhe Natalie Viscuso janë bërë prindër për herë të parë.

Lajmi u konfirmua nga People pasi fotot e çiftit duke shtyrë një karrocë u publikuan nga Daily Mail. Deri tani, nuk dihet asnjë detaj tjetër, përfshirë emrin, gjininë apo datëlindjen e fëmijës.

Henry dhe Natalie, të lidhur prej tre vitesh, konfirmuan lidhjen e tyre në vitin 2021, përmes një postimi në Instagram, ku aktori shkroi: “Ky jam unë, dukem me vetëbesim, pak para se dashuria ime e bukur dhe brilante, Natalie, të më shkatërronte në shah”.

Sipas LinkedIn-it të saj, Natalie ka qenë nënkryetare e kompanisë Legendary Entertainment, një nga kompanitë që ka prodhuar filmat e Cavill, “Man of Steel” (2013) dhe “Enola Holmes” (2020).

Më parë, Cavill ka folur për dëshirën për të qenë baba. Në një intervistë për “Men’s Health” në vitin 2017, ai u shpreh: “Nëse do kem fëmijë një ditë, dua të jem babai që vrapon pas tyre.”