Pak orë para ceremonisë së Grammy-ve, Kanye West u rikthye në rrjetet sociale dhe bëri bujë duke ndjekur për pak kohë vetëm Taylor Swift në Instagram. Më pas, ai zgjodhi të ndiqte vetëm bashkëshorten e tij, Bianca Censori, me të cilën shkoi në event.

West u shfaq në tapetin e kuq përpara Swift, e cila këtë vit ishte e nominuar për disa çmime me albumin "The Tortured Poets Department". Thuhet gjithashtu se ai u largua para se ajo të shkonte atje.

Para se Swift të shfaqej në tapetin e kuq me fustanin e saj mahnitës, West u largua nga ceremonia. Megjithatë, ka raportime kontradiktore mbi çfarë ndodhi.

Sipas Page Six, West u përjashtua nga eventi. Një burim tha për median se policia e shoqëroi jashtë atë dhe Censori-n pas një “momenti të çmendur me veshjen e tyre në tapetin e kuq”, duke iu referuar faktit që Censori mbërriti e veshur (më saktë zhveshur) me një fustan transparent.

Veshja e saj nuk u prit mirë nga publiku. “Njerëzit normalë arrestohen për këtë gjë, por kur të famshmit zhvishen, na qenka çështje mode,” shkroi dikush. “Ky është një ekspozim i pahijshëm dhe në disa shtete mund të të quajnë dhunues seksual,” lexohet në një tjetër koment. "Unë nuk e di se si Bianca lejohet të shfaqet fjalë për fjalë lakuriq në Grammy Awards, por ok kjo është bota në të cilën jetojmë tani,” ironizoi një tjetër.

Ndërkohë, TMZ e mohoi këtë version, duke raportuar se policia nuk ishte e përfshirë. Një burim tha se West ishte i ftuar në Grammy si i nominuar për kategorinë “Kënga më e mirë rap” dhe se ai “eci në tapetin e kuq, hipi në makinën e tij me dëshirë dhe u largua,” duke shtuar se “policia dhe sigurimi i Grammy-ve nuk u përfshinë aspak.”

Artikuj të sugjeruar: