Interneti na ka mësuar të kërkojmë përgjigje për çdo dyshim apo kureshtje që kemi, qoftë edhe për çështjet më të vogla. Një ndër temat që është bërë virale kohët e fundit ka të bëjë me një fenomen të zakonshëm, por që shumica e grave nuk e dinë çfarë do të thotë: pse të brendshmet nganjëherë duket sikur kanë njolla zbardhuese?

Nga vijnë këto njolla?

Sipas mjekëve, nuk ka asgjë për t’u shqetësuar! Në fakt, këto njolla janë një shenjë e mirë për shëndetin e vaginës. Vagina ka një nivel natyral aciditeti, me një pH që zakonisht varion nga 3.8 në 4.5. Ky aciditet ndihmon në mbrojtjen nga bakteret dhe infeksionet, por njëkohësisht mund të ndikojë edhe në ngjyrën e rrobave.

Sipas Dr. Vanessa MacKay, përfaqësuese e “Royal College of Obstetricians and Gynecologists”, aciditeti i vaginës mund të zbardhë pjesërisht materialin e të brendshmeve dhe kjo është diçka plotësisht normale. Pra, nëse kishe menduar se këto njolla vijnë nga higjiena e pamjaftueshme, e ke gabim! Në fakt, kjo është një shenjë se vagina funksionon siç duhet.

Pse vagina ka aciditet?

Aciditeti i vaginës është një mekanizëm natyral mbrojtës. Në të jetojnë bakteret e mira, si Lactobacillus, të cilat prodhojnë acid laktik dhe ndihmojnë në mbajtjen e një mjedisi të shëndetshëm. Sipas “National Institutes of Health” (NIH), pH-i natyral i vaginës është nga 3.8 deri në 5.0, ndërsa uji i pastër ka një pH neutral prej 7. Kjo do të thotë se vagina është shumë më acide dhe mund të reagojë me ngjyrat e rrobave, duke shkaktuar ato njolla që shumë gra i vënë re.

Vetëpastrimi dhe rëndësia e sekrecioneve vaginale

Një tjetër fakt i rëndësishëm është se vagina ka aftësi vetëpastrimi. Sekrecionet e saj, të cilat zakonisht janë të bardha ose të tejdukshme, janë krejtësisht normale dhe ndihmojnë në ruajtjen e ekuilibrit të saj.

Sipas Dr. MacKay, ndërhyrja e tepërt në këtë proces natyral, si përdorimi i sapunëve të fortë apo larjet e shpeshta të brendshme, mund të prishë ekuilibrin dhe të shkaktojë infeksione. Pra, në vend që të shqetësohesh për njollat në të brendshme, më mirë sigurohu që po trajton vaginën me kujdesin e duhur!

Burimi: American Wonderhub

Artikuj të sugjeruar: