Olsi Bylyku ka postuar në Instagram një pjesë nga kënga e tij e re, e cila nuk është publikuar ende, dhe aq ka mjaftuar që të gjithë të mendojnë se është dedikim për Eglin.

Kënga është bërë virale në TikTok, ndërsa shumë komentues e lidhin tekstin me historinë e dashurisë mes dy ish-partnerëve.

Analizojmë tekstin:

“Atribut i more fajet,

Mirënjohje përgjithmonë,

Pa dëshirë me nda detajet.”

Fillimisht, teksti nis me këto vargje. Fjalën mirënjohje e kemi dëgjuar vazhdimisht edhe nga Egli brenda shtëpisë të “BBVA”, e cila ka theksuar se është e lumtur dhe shumë mirënjohëse për historinë e kaluar me Olsin. Po ashtu, ajo ka këmbëngulur herë pas herë edhe ndaj insistimit të banorëve, për të mos ndarë detaje mbi përfundimin e kësaj historie. 

“Më mirë po rri silent (i heshtuar),

Le të rikthehen ngjarjet

Se kanë mbaru rrahjes (e zemrës).”

Njësoj, Olsi thotë në tekst se do të qëndrojë i heshtur edhe ndaj rikthimit të ngjarjeve, që duhet thënë se hyrja e Eglit në “BBVA” dhe debatet brenda shtëpisë kanë rikthyer vazhdimisht vëmendjen te historia e tyre e dashurisë. Kanë mbaruar rrahjet mund të nënkuptojë përfundimin e ndjenjave, gjë të cilën e ka theksuar edhe Egli, duke thënë “jam shëruar”.

“Kur po thu që m’ke harru

Pse po m’kujton hala

Ti as veten s’ke besu

Le me t’besu ata”

Duhet thënë: Egli i është drejtuar shpesh herë kamerës duke përshëndetur Olsin, ndonëse si ironi ndaj banorëve. Për të mos përmendur momentin kur thotë se Gjesti i kujton Olsin.

“Veç unë t’i kam dit

Veç unë t’i kam ditë unë ty

T’mirat e tona

Tash besoj kam meritë

Veç unë ta kam rujt ty tipin nga dramat”

Drama mban emrin e Eglit. Një në dy komente poshtë videove të saj është “Ols, si e ke duruar”. E drejtë apo jo të thuhet kjo, teksti duket sikur i referohet kësaj situate, duke theksuar se e ka “ruajtur nga dramat” në publik, ndërsa në mesin e shumë komenteve negative për Eglin, Olsi duket se thotë se vetëm ai ka mundur të shohë anën pozitive të saj.