Aktori Gene Hackman vdiq nga shkaqe natyrale disa ditë pasi gruaja e tij, Betsy Arakawa, u nda nga jeta për shkak të një virusi të rrallë në rrugët e frymëmarrjes, thanë autoritetet.

Arakawa vdiq nga sindroma pulmonare hantavirus, ndërsa Hackman vdiq nga sëmundja e zemrës, shtuar këtu avancimin e sëmundjes së Alzheimerit, tha kryehetuesja. Trupat e pajetë dhe në proces dekompozimi të çiftit u zbuluan muajin e kaluar në shtëpinë e tyre në New Mexico.

95-vjeçari Hackman mund të ketë jetuar për pothuajse një javë pas vdekjes së Arakawa-s. Zyrtarët spekuluan se ai mund të mos ketë qenë në dijeni se ajo kishte vdekur.

“Ai ishte në një gjendje shumë të keqe shëndetësore. Ai kishte sëmundje të rëndë të zemrës dhe mendojmë se kjo ishte ajo që rezultoi në vdekjen e tij,” thanë mjekët.

Vdekja e Arakawa ishte e lidhur me sindromën pulmonare hantavirus, një sëmundje e rrallë por potencialisht fatale e përhapur nga jashtëqitjet e brejtësve të infektuar. Ekspozimet ndodhin kur njerëzit janë pranë jashtëqitjeve të miut në shtëpi, kasolle ose zona të ajrosura dobët.

Hackman dhe Arakawa u zbuluan javën e kaluar pasi një punonjës mirëmbajtjeje, i shqetësuar kur askush nuk iu përgjigj derës, kontaktoi sigurimin e lagjes, i cili pa trupat e tyre nga një dritare dhe thirri policinë. Një nga tre qentë e tyre u gjet gjithashtu i ngordhur.

Burimi: The Guardian