Ish-finalistja e “Big Brother VIP Kosova”, Xheneta Fetahu, dhe Blerina Kelmendi, motra e Gjestit, janë përplasur virtualisht pas një deklarate te Xhenetës në “E Diell”.

Gjithçka nisi kur Xheneta komentoi banorët e shtëpisë. Ajo mbështeti Eglin dhe ndër të tjera u shpreh se Gjesti nuk di të luajë vetë, në BBVK nuk u shfaq fare si lojtar i fortë dhe “ai nuk di të lidhë dy fjalë”.

Kjo deklaratë nuk i shpëtoi motrës së Gjestit, e cila ka reaguar publikisht ndaj komenteve të Xhenetës, duke ndezur një debat virtual mes tyre. Në fillim ajo shkroi:

“Kur thonë që nuk di të lidhë dy fjalë, nuk di të flasë [dhe] flasin këta që sot janë jashtë. Pa folur për mbretin, nuk bëhet, se për vete nuk kanë çfarë të flasin ose nuk i intereson askujt.”

Por nuk e la me kaq:

“Kush po flet e kush do famë me emrin e tjetrit, në pamundësi për ta pasur vetë.”

Në fund shkroi: “[Si Gjesti] ose je, ose nuk bëhesh. Kujt t’i djegë, le ta mbajë” pasuar nga “Gjest, të mos ishe ti, emrin e kujt do të përmendnin për vëmendje?”

Pas këtyre reagimeve, Xheneta nuk qëndroi e heshtur dhe iu kundërpërgjigj Blerinës duke ironizuar njohuritë e saj drejtshkrimore: “Ju sugjeroj të blini një ABETARE, deri në 2025 besoj që mësoni shkrimin dhe leximin.”

Tani, mbetet për t’u parë nëse do të ketë një përgjigje të radhës apo ndonjë kurs të thelluar drejtshkrimi për të dyja palët.