Nëse kishit menduar se ishte vetëm G Bani që dashurohej dhe shërohej sa “hap e mbyll sytë”, keni gabuar. Së fundmi, Aldo ka shprehur ndjenjat e tij për Danjën gjatë një bisede me këtë të fundit.

Ai theksoi se arsyeja e shkëputjes së tij nga Danja pak kohë më parë erdhi pikërisht nga këto ndjesi që ajo i ngjallte, ndonëse krevatin asokohe e ndante me Rizartën.

“Shpresoj ta marrësh me qetësi këtë që do të them. Ka disa kohë që po mendoj… Po thoja më parë se ndjenja lind, nuk ke çfarë i bën. Besoj që nga momenti që jemi shkëputur, shkëputja ka ardhur për një arsye tjetër. Jo sepse pëlqeja Rezin apo dikë tjetër, por sepse papritur fillova të ndiej disa gjëra që s’duhej t’i ndieja ndaj teje! Gjëra që e kalojnë raportin shoqëror. Nuk e kontrolloj dot, nuk kam çfarë t’i bëj. Por edhe unë kam parë diçka nga ti… shikime të një natyre që mbase… më kupton?”

Reagimi Danjës? Qeshi.

Danja ka theksuar vazhdimisht se ka një lidhje jashtë dhe nuk është aspak e interesuar për romanca brenda shtëpisë, por djemtë e këtij edicioni sapo vërtetuan edhe njëherë se e pamundura të tërheq më shumë.

Ah, po! Aldo vetëm pak ditë më parë bëri “paktin” me Rizartën se do të vijonin njohjen e tyre jashtë, por mesa duket ndjenjat për Danjën paskan qenë më të forta.