Hong Kong
Të afërmit vizitojnë varrezat në Pok Fu Lam, Hong Kong, ndërsa njerëzit nderojnë të parët e tyre gjatë Ditës së Pastrimit të Varreve, e njohur atje si Ching Ming.
Khan Younis, Gaza
Një grua përdor telefonin ndërsa inspekton vendin ku ka rënë një raketë izraelite mbi një shtëpi në Khan Younis.
Gaza
Një djalë vajton mbi trupin e një të afërmi të vrarë nga bombardimet izraelite gjatë natës në veri të Gazës, në Spitalin Arab Ahli. Qindra njerëz janë vrarë nga sulmet ajrore që prej përfundimit të armëpushimit.
Pavlohrad, Ukrainë
Infermierja Kateryna, ngushëllon macen e saj Abu në një qendër kalimtare në Pavlohrad. Presidenti finlandez Alexander Stubb tha këtë javë se Donald Trump po humb durimin me taktikat bllokuese të Vladimir Putinit lidhur me armëpushimin në Ukrainë, pas disa orësh të kaluara me presidentin amerikan.
Mandalay, Mianmar
Një statujë budiste brenda një pagode në Mandalay është dëmtuar nga tërmeti i fuqishëm. Ushtria e Mianmarit po kritikohet për vazhdimin e sulmeve ajrore dhe për akuzat se po pengon ndihmat për të mbijetuarit e tërmetit, teksa organizatat ndërkombëtare kërkojnë akses të pakufizuar për ndihmën humanitare në një vend të përfshirë nga konfliktet.
Sagaing, Mianmar
Njerëzit lahen në lumin Irrawaddy përballë urës së shembur Ava në Sagaing. Tërmeti me magnitudë 7.7 që goditi Mianmarin qendror javën e kaluar ka shkaktuar shkatërrime të mëdha, duke lënë mbi 3,100 viktima dhe zona të tëra në nevojë urgjente për ushqim dhe ujë.
Berlin, Gjermani
Mbështetës të lëvizjes Neue Generation protestojnë pas spërkatjes me bojë të fasadës së një autosalloni të Tesla-s, për të kundërshtuar Elon Musk dhe atë që organizatorët e konsiderojnë si shkatërrim të demokracisë dhe klimës nga të pasurit.
Martignas-sur-Jalle, Francë
Pjesëtarë të Forcave Speciale të Ushtrisë Franceze evakuohen me helikopter gjatë një demonstrimi taktik në Martignas-sur-Jalle.
