Si mund të argëtoheni dhe zhvilloni mendjen njëkohësisht? Shumë e thjeshtë zgjidhni sa më shumë puzzle- a dhe gjëegjëza. Sot kemi 4 të tilla për ju:

Misteri i shkallëve

Albi po qëndronte në një palë shkallë 25 metra të gjata. U pengua dhe ra në tokë, ama as nuk vdiq dhe për më tepër as nuk u plagos rëndë. Si qe e mundur?

Sapo u kishte hipur shkallëve, ja pse.

Misteri i mollës

Janë 10 njerëz në dhomë dhe secili mundet të shohë të gjithë dhomën dhe këdo që ka rrotull. Duhet ta vendosësh mollën diku, në mënyrë që vetëm një person ta shohë. Ku?

Vendose në kokën e kujtdo.

Makinë vs makinë

Janë dy makina, njëra blu e cila po ecën me 60mph dhe një e kuqe, me 40mph. Të dyja nisen njësoj dhe ia dalin të takohen në të njejtën pikë. Pse?

Hë pra taniiii se s’është e vështirë. Po udhëtonin në drejtime të kundërta.

Enigma e mollës

2 shoqe, Ana dhe Bena dolën për një shëtitje në pyll. Papritur filloi një shi i rrëmbyer, vajzat panë diku një shtëpi të braktisur dhe u strehuan aty për pak minuta. Shiu ndaloi, vajzat nuk ishin lagur fare dhe papritur nisën të kishin uri. Kështu u nisën në drejtime të ndryshme për të gjetur ushqim.

Ana pa një pemë molle, këputi një dhe sapo e kafshoi u shndërrua në pemë. Bena u kthye pas gjysmë ore dhe dëgjoi një zë që i tha: “shoqja t’u kthye në pemë, gjeje se cila pemë është dhe do të mund të rikthehet në njeri. Përndryshe është e destinuar të qëndrojë përjetësisht ashtu. Ka vetëm një mundësi.” Si ta gjejë Bena se cila pemë është Ana?

Edhe ti, po vëre içik trurin në punë. Pema që është e thatë, që s’e ka lagur shiu është Ana. Kaq për sot!