Njerëzit shpesh këshillohen të presin derisa të jenë më të pjekur për t'u martuar, duke supozuar se me moshën vjen edhe mençuria. Megjithatë, në çështjet e zemrës, logjika dhe arsyeja shpesh të lënë në “baltë”, dhe ajo që duket e drejtë ndonjëherë rezulton të jetë e gabuar.
Për shumë kohë është menduar se sa më vonë të martohesh, aq më pak janë shanset për divorc.
Si qëndron e vërteta, sipas sociologut Nicholas H. Wolfinger
Studimi i tij zbuloi se personat që martohen rreth moshës 25 vjeç kanë pothuajse gjysmën e rrezikut për divorc krahasuar me ata që martohen në moshën 20 vjeç. Për çdo vit shtesë që prisni pas të 20-ave, ka një ulje prej 11?% të rrezikut për divorc, por kjo vlen deri në moshën 32 vjeç. Pas këtij momenti, rreziku për t’u divorcuar rritet gradualisht.
Wolfinger argumenton se martesa pas kësaj moshe sjell më shumë divorce për shkak të shumë faktorëve, si: fëmijëve nga marrëdhënie të mëparshme apo pritshmëritë e larta.
Megjithatë, kjo analizë është kritikuar. Sociologë të tjerë, si Philip Cohen, shqyrtuan të dhënat më të reja nga 2018–2020 dhe zbuluan se rënia e rrezikut për divorc vazhdon edhe përtej moshës 32, duke qëndruar e ulët në mënyrë relative deri në moshën 45 vjeç. Pra, çështja është shumë më tepër sesa një marrëdhënie matematikore mes moshës dhe divorcit.
Në fund të fundit, mosha është vetëm një nga faktorët.
Ndaj, mos harroni: Martohuni kur ndiheni gati, jo sipas pritshmërive të shoqërisë.
Burimi: Your Tango
