Sekreti i stilimit të suksesshëm dimëror për rikthimin në punë qëndron te kombinimi i zgjuar i teksturave dhe përmasave. Nga takimet e mëngjesit deri te planet pas punës, këto veshje funksionojnë për çdo ditë jave, duke ju bërë të ndiheni të kuruar në çdo detaj.
Përpara se t'ju tregojmë disa sugjerime për këtë stinë, sigurohuni të keni në garderobën tuaj shall, çanta praktike për punë e disa pulovra të trasha.
Xhaketë lëkure pa jakë, pantallona të ngushta dhe shall mëndafshi
Le të jetë xhaketa e lëkurës pa jakë pjesa kryesore e kësaj pamjeje, e kombinuar me pantallona të ngushta e një shall i hollë i lidhur rreth qafës. Poshtë shtoni një golf të bardhë për pak kontrast, këpucë me pak takë dhe një çantë praktike ku mbani gjërat e nevojshme gjatë ditës.
Fund i gjatë, triko e trashë dhe pallto me një prerje të gjerë
Fare lehtë mund të kombinoni një fund të gjatë me një triko të trashë dhe këpucë të sheshta. Mos harroni getat e trasha për pak ngrohtësi. Pamjen e plotëson një çantë e madhe, e përshtatshme edhe për laptopin.
Pantallona të bardha dhe pellush
Pantallonat e bardha duhet të jenë pjesë e garderobës suaj gjatë gjithë vitit. Kombinojini me një këmishë blu dhe një pellush gjatë ditëve të ftohta. Këpucët e sheshta me lidhëse i japin pamjes thjeshtësi dhe një çantë me print kafshësh.
Këmishë rozë, pantallona të kuqe dhe pallto me disa kopsa përpara
Një këmishë rozë me kopsa dhe pantallona të kuqe krijojnë një pamje të guximshme, por të përshtatshme për zyrë.
Xhaketë me fije përpara, pantallona lëkure dhe kapele e vogël e rrumbullakët
Për një veshje të pasur në teksturë, kombinoni një xhaketë me fije me pantallona lëkure të zeza dhe një golf po ashtu të zi. Veshjes mund t'i shtoni kapele dhe një palë sheshka me shkëlqim duke e bërë pamjen përfundimtare të duket edhe më fine.
Pulovër e thurur, këmishë, shall me kuadrate dhe çizme
Një këmishë me shall me kuadrate poshtë trikos e bën veshjen të duket akoma më bukur. Veshjen mund ta kompletoni me një pallto të gjatë dhe çizme lëkure deri te gjuri.
Fustan i gjatë i thurur, pallto pak e gjatë dhe elegante dhe doreza
Një fustan i gjatë i thurur ju ndihmon gjithmonë të dukeni elegante pa shumë përpjekje.
Gjatë ditëve të ftohta mund të shtoni edhe një bluzë me mëngë të gjata poshtë. Një varëse dhe doreza lëkure në ngjyrë vishje e bëjnë pamjen të duket akoma edhe më bukur.
