Ish-aktori i filmave për të rritur, Austin Wolf (emri i vërtetë i së cilit është Justin Heath Smith), është dënuar me 19 vjet burg nga një gjykatë federale në SHBA për shfrytëzim seksual të fëmijëve.
Justin, 44 vjeç, u arrestua në prill të vitit 2024, pasi autoritetet gjetën qindra video me pornografi fëmijësh në apartamentin e tij në Manhattan. Në qershor të 2025-ës, ai pranoi fajësinë për nxitje të një të mituri në aktivitete seksuale. Përveç dënimit me burg, ai do të jetë nën mbikëqyrje për 10 vite pas lirimit dhe duhet të paguajë një gjobë prej 40 mijë dollarësh.
Sipas prokurorëve, që nga viti 2023 ai ka tentuar të shfrytëzojë vazhdimisht të mitur. Ai u takua me adoleshentë të moshës 12–15 vjeç dhe planifikoi takime të tjera për abuzim me fëmijë edhe më të vegjël, përfshirë një 9-vjeçar dhe një 7-vjeçar. Në disa raste, takimet u ndërprenë ose u parandaluan nga autoritetet.
“Krimet e Justin Heath Smith ndaj fëmijëve janë të tmerrshme,” tha në një deklaratë prokurori i SHBA për Distriktin Jugor të New York-ut, Jay Clayton. “Ai shënjestroi fëmijë që nga mosha 8 vjeç. Çdo banor dëshiron që ai dhe të ngjashmit e tij të mos jenë më kurrë në rrugët tona dhe kurrë pranë fëmijëve tanë. Mesazhi ynë për këta tipa njerëzish është i qartë: I vetmi vend për ta në New York është burgu!”
Që prej janarit të vitit 2024, Smith dhe një burrë tjetër (i referuar si “mashkulli 2”), u takuan që të abuzonin seksualisht me një fëmijë 9-vjeçar, për të cilin “mashkulli 2” po kujdesej. Në momentin që ish-aktori i filmave për të rritur mbërriti në godinë, “mashkulli 2” ndërroi mendje.
Një muaj më vonë, Justin planifikoi të takonte një të mitur me qëllime seksuale dhe për të diskutuar për një akt specifik që adoleshenti do të performonte për Smith-in”.
Pala akuzuese u shpreh se ndër të tjera, ai posedonte edhe foto ekskplicite të një 12-vjeçari dhe të një 15-vjeçari. Gjithashtu, pretendohet se Smith planifikonte të takohej me një burrë që kishte një fëmijë 7 vjeç dhe ishte ofruar që fëmija e tij të përmbushte dëshirat e Smith. Fatmirësisht, autoritetet e arrestuan Smith para se kjo ngjarje të ndodhte.
Gjatë kontrollit, autoritetet zbuluan mbi 1,200 skedarë me pornografi fëmijësh, përfshirë video të rënda me viktima foshnja.
