Kylie Jenner po e jeton një nga ëndrrat e saj më të mëdha: ka debutuar si këngëtare në këngën “Fourth Strike” të grupit Terror Jr.
Personazhi i njohur i reality show-t dhe një nga influencueset më të mëdha në botë i është rikthyer skenës si “King Kylie”, një emër që e përdorte që në vitin 2014, në përpjekje për të ndërtuar një identitet më të pavarur nga familja Kardashian.
Për të nisur këtë kapitull të ri, Kylie ka krijuar llogari të veçanta në Spotify dhe Apple Music nën emrin artistik “King Kylie”.
Megjithatë, kënga nuk është pritur mirë nga të gjithë: shumë fansa kanë reaguar në rrjete sociale, duke e cilësuar projektin si “të dobët” dhe “zhgënjyes”.
Pas publikimit të këngës, Kylie dha një intervistë ku tregoi se kjo ishte një dëshirë e hershme për të.
“Kjo ka qenë gjithmonë ëndrra ime. Që kur isha e vogël kam thënë se doja të bëhesha një yll i muzikës pop. Thjesht, nuk kam pasur kurrë vetëbesimin e duhur,” – u shpreh ajo.
Jenner tregoi gjithashtu se ideja për bashkëpunimin me Terror Jr lindi nga një thashethem i vjetër:
“Rreth 10 vjet më parë u përhap një thashethem se isha unë ajo që këndonte në këngën e tyre ‘3 Strikes’. Nuk isha unë (edhe pse do të doja të isha), kështu që mendova: pse të mos realizojmë ‘Fourth Strike’ dhe këtë herë të jem vërtet unë në këngë?”
Në fund, Kylie nuk harroi të falënderonte grupin për mundësinë:
“Faleminderit Terror Jr që krijuat një tjetër këngë fantastike dhe që më besuat të isha pjesë e saj. Isha shumë nervoze, por mbi të gjitha jashtëzakonisht mirënjohëse.”
